Inhaal Verhale: Deel 1

Julle sal nie glo nie, maar ons het in Februarie so ver gegaan om die lyntjie te tik: "En nou is dit al Amper Maart en tyd vir ons volgende besoeker (Karen se Ma) en ons het nog nie eers Desember klaar nie". En dis waar dit gebly het met die ernstige konstruksie aan die huis onderweg. Nou is dit amper Desember, en hier kom ons NOU eers daarby uit!!

Desember saam met die Senior Solomon Toergroep

Kersfees eet ons 'n perlemoen-pot vir die wat dit wou waag, die kok is ons SA vriend, John. Vir die banges, was daar darem normale Kersfees kos ook!

Oukersdag, gaan kyk ons dolfyne in die Sounds, op 'n trip na Motuara eiland. By die eiland aangekom, lê daar 'n 10 minute "stappie" voor berg uit. Die wat die uitdaging aangedurf het (of behoorlike skoene aangehad het en nie 'n skelm dampie wou slaan nie - rook was glo verbode), was natuurlik glad nie teleurgesteld nie! Ongelukkig was daar ander mense op die boot en elke slag as 'n dolfyn netjies binne die lyntjies van die lens was, het iemand dit behaal om sy kop voor in te druk, so ongelukkig geen fotos hiervan nie. Nooit gedink Nieu Seeland is so groot nie, en ons 2 dae vakansie in die 'Golden Bay' draai uit op vreeslike lang ente pad ry. Deur Nelson met die heen en weer, maak ons vanselfsprekend tyd vir 'n pitstop.

Kaiteriteri is die Hermanus van die Suid Eiland. Van wat ons al gehoor het van die 'juweel', het ons dit gelukkig op 'n stillerige dag getref. Hierna oor 'n 791m hoë 'heuwel' (Takaka Hill) met 365 kort en nou draaitjies, kom ons uiteindelik in Collingwood aan. Die mikpunt is Wharariki strand (uitgespreuk Farariekie). Hier parkeer ons en begin stap, en stap, en stap 'n half-uur se stap oor berge en deur dale, sand duine en deur woude (En die keer stap ons almal) en glad niks spyt nie!! Met die jaar so te sê om, en so ook ongelukkig die vakansie, verken ons Blenheim - die Boeremark wat elke Sondag oggend gedurende die somersmaande oop is, en een van Blenheim se spog wynlande, Wither Hills. Die nuwe jaar was ingelyf deur 'n vuurwerk-vertoning in die dorp, en sommer die 1ste Januarie is werk aan die huis-herskepping begin deur bome te verwyder. Van hierdie verhaal het ons reeds (meer dikwels ook) nuus gepubliseer op http://bkbarratt.blogspot.com/ Tata B&K

Uitstappies

Groot bome... Aangesien ons so woes tekere gegaan het in veral ons voortuin, het ons 'n tekort aan bome gehad. In die agterplaas was 'n 'Silk Tree' wat die hooikoors behoorlik op hol laat loop het... So het ons gehoor van 'n plek in Nelson wat groot bome verkoop. Die bome wat Big Trees verkoop wissel van 'n paar jaar oud tot baie oud. Hulle grond beslaan 8 hektaar. Hulle het tot n ysterhout uit SA wat hulle verkoop.

Na twee besoeke het ons finaal besluit op 'n Chinese Elm (bladwisselend) om die Silk te vervang in die agterplaas, en 'n Titoki (immergroen) in die voortuin. Lg is 'n inheemse boom en is bekend daarvoor dat hy inheemse voelsoorte, soos die Tui, lok.

Oppad na Big Trees, het ons hierdie bloekom gesien wat glo 'n jaar of twee terug deur weerlig getref is en afgesaag moes word. Die SUV is rerig langs die boom!!

Blenheim na Picton via Port Underwood

13 April

Tumbledown Bay Road is 'n 2-uur ompad na Picton toe (die hoofpad - wat Karen daagliks ry - is 'n 25 minute rit) Dis eintlik meer 'n pas as 'n pad waarvan die meerderheid grondpad is.

Ons begin ons avontuur by die Millenium rots. Dit was opgerig in Desember 1999 vir die millenium. Geen rerige simboliek of iets nie. Die rots het gate wat mens deur kan kyk.

Whites Bay

Sowat 20 minute se ry verder - net voor die teer opraak - is die gewilde Whites bay. Ons het meer verwag soos die 'locals' aangaan oor die plek.

Maar mooi bly mooi.

Nog so half uur verder, grond pad op en af, om nou draaie.... is Robin Hood Bay.

Port Underwood

Latitude 41°17'59.00"S

Longitude 174° 6'32.50"E

Na nog sowat 'n uur kom ons uit by Port Underwood - die uitsig van hier af oor die stuk van die 'Sounds' was waarlik ongelooflik...

Titirangi Bay 19 - 21 April Latitude 41° 1'9.20"S Longitude 174° 8'31.00"E Titirangi Bay is heel aan die eindpunt van die Kenepuru Sounds. Sowat 2 en 'n hafl uur se ry van Blenheim af (120km padlangs) Ons het die naweek gaan 'kamp' saam met Marisa, Trish die kinders en nog 'n paar ander mense. Daar is 'n privaat strand wat net vir die kamp area en huis is. Ons het elke dag gaan visvang maar ongelukkig niks gevang nie, maar wel 'n reuse pylstert vis gesien en reuse krappe.